នៅថ្ងៃទី ១០ ដល់ ១៤ ខែតុលា ឆ្នាំ​២០១៦ នាយកដ្ឋានអប់រំបរិស្ថាន នៃអគ្គនាយកដ្ឋានចំណេះដឹង និងព័ត៌មានបរិស្ថាន ក្រសួងបរិស្ថាន បានរៀបចំសិក្ខាសាលាបណ្ដុះបណ្ដាលគ្រូបង្គោលអប់រំបរិស្ថាន នៅមន្ទីរបរិស្ថាន​ខេត្តកែប​ ដើម្បីអភិវឌ្ឍសមត្ថភាពមន្ត្រីថ្នាក់ជាតិ និង​ថ្នាក់​ក្រោមជាតិ​លើជំនាញអប់រំបរិស្ថាន​ក្នុង​ការចូលរួមចំណែក​អភិវឌ្ឍធានធានមនុស្សលើ​វិស័យបរិស្ថាន​។ សិក្ខាសាលានេះ ស្ថិតក្រោម​អធិបតីភាពរបស់ឯកឧត្តម សាបូ អូហ្សាណូ រដ្ឋលេខាធិការក្រសួងបរិស្ថាន និង​ឯកឧត្តម​ ងិន ងិនដា អភិបាលរងខេត្តកែប​ ដែលមាន​ការចូលរួមពីមន្ត្រីថ្នាក់ជាតិ និង​ថ្នាក់​ក្រោមជាតិ​មកពីក្រសួងបរិស្ថាន មន្ទីរបរិស្ថាន​ និង​មន្ទីរពាក់ព័ន្ធក្នុង​ខេត្តកែបប្រមាណ​ ៤០រូប។​